Liverpooli nuk ndalet dhe arrin fitoren e radhës kundër Watford-it me rezultatin 2-0. “Redsat” mposhtën me lehtësi ekipin e vendit të fundit. Ekipi vendas e dominoi ndeshjen nga fillimi në fund.
Salah arriti të zhbllokonte rezultatin në minutën e 38′. Një kundërsulm vrasës i Liverpoolit u finalizua si duhet nga Salah. Firminho pasoi mjaft mirë për Mane, që pa lëvizjen e mirë të Salah. Egjiptiani shmangu kundërshtarin dhe e dërgoi në rrjetë për 1-0.
Liverpooli nuk u ndal as në pjesën e dytë. Vendasit shënuan me Mane, por goli u anulua. Kur u mendua se ndeshja do të mbyllej me rezultatin 1-0, ishte Salah që dyfishoi 2-0 në minutën e fundit të ndeshjes. Të kuqtë thellojnë avantazhin me Leicesterin dhe Manchester City-n. Kampionati ka qenë fantastik me 16 fitore dhe 1 barazim.
