Flash News

Departamenti i Shteti 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

KRYESORE

Arben Ristani: Jo vetëm analizë për 25 qershorin, por edhe testim të strukturave për protestat

Politiko 4 Nëntor 2017, 19:25
Arben Ristani: Jo vetëm analizë për 25 qershorin, por edhe testim

Sekretari i Përgjithshëm i Partisë Demokratike, Arben Ristani i ftuar sot në emisionin “Kjo javë” në News 24 tregoi me detaje analizën që do të nisë forca më e madhe opozitare për të kuptuar pse u humbën zgjedhjet parlamentare.

Ai u bë zëri i disatë brenda PD-së që flet për një stinë protestash, ndërsa argumentoi se një gjë e tillë do ndodhë pasi të merren garancitë nga strukturat.

“Bashkë me analizën do testojmë gatishmërinë e strukturave për të nisur një stinë protestash. Do nisë një stinë e fuqishme protestash që do i lërë në rutinë këto çështjet politike”,- tha ai.

I pyetur se kur mund të nisnin konkretisht protestat, Sekretari i Përgjithshëm i PD-së, shtoi se: “Pritet një organizim. Tashmë jemi në kushte më të vështira nga ç ‘ishim para zgjedhjeve. Tani po analizojmë situatën për gatishmërinë e strukturave”.

Ish-deputeti shtoi se, protestat janë e vetmja mënyrë për të rrëzuar qeverinë, që mori pushtetin me paratë e krimit dhe drogës, siç tha ai.

“Kjo qeveri banditeske që kemi është e vështirë të rrëzohet me rrugë demokratike. Kur në pushtet ke një bandë krimi, që krahasohet me kartelet e drogës kolumbiane, vështirë se mund t’i rrëzosh nëpërmjet zgjedhjeve, se s’janë të lira e të ndershme. Ka një plan të studiuar mirë nga Rama, që nga një krah të varfërojë popullin dhe nga ana tjetër të pasurojë kriminelët. Deri tani ka ecur mirë plani i tij. Duke i tërhequr kriminelët dhe në Kuvend. Protesta, duket si e vetmja zgjidhje, nëse s’do kemi as ndihmë nga partnerët ndërkombëtarë”.

Denoncimi i kreut të FRPD: Orest Sota fitoi tenderin 1 mld lekë nga OSHEE, nuk kishte asnjë eksperiencë

Të fundit