Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Bota

Lëshimi i raketave balistike, Koreja e Veriut: Simuluan një kundërsulm bërthamor

Politiko 20 Mars 2023, 10:11

Lëshimi i raketave balistike, Koreja e Veriut: Simuluan një

Koreja e Veriut lëshoi disa raketa balistike gjatë fundjavës, ku ky veprim u pa me skeptizicëm nga shumë vende të botës. Megjithatë ata thanë se kanë simuluar një sulm bërthamor në Korenë e Jugut.

Ky lëshim raketash ishte demonstrimi i pestë që Koreja e Veriut ka kryer gjatë këtij muaji në shenjë proteste ndaj stërvitjeve të përbashkëta ushtarake mes SHBA-së dhe Koresë së Jugut.

Lideri i Koresë së Veriut, Kim Jong Un ka udhëzuar ushtrinë e tij që të kryejë më shumë stërvitje për të rritur gatishmërinë përballë një agresioni të mundshëm nga armiqtë e tij.

Ushtritë e Koresë së Jugut dhe Japonisë kanë detektuar lëshimin e një rakete me rreze të mesme veprimi në ujërat e bregdetit lindor të Veriut. Lëshimi i kësaj rakete besohet se ndodhi një orë para se SHBA-ja të fluturonte bombarduesit B-1B për trajnime me avionët luftarakë të Koresë së Jugut.

Koreja e Veriut i ka cilësuar stërvitjet SHBA-Kore e Jugut si përgatitje për pushtim, edhe pse aleatët insistojnë se stërvitjet janë të natyrës së mbrojtjes. Disa ekspertë kanë argumentuar se Veriu i përdor këto stërvitje si pretekst për të avancuar programet e tij të armëve.

Kim, sipas medias shtetërore, tha se armiqtë e tij “janë duke bërë lëvizje gjithnjë e më agresive”. Koreja e Veriut pretendoi se raketa e fundit e lëshuar është modeluar në bazë të raketës ruse balistike, Iskander. 

Të fundit