Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dyshohet të jetë ekzekutuar nga Brilant Martinaj, del video e atentatit ndaj ish-policit Xhelal Reçi

Politiko 21 Korrik 2022, 09:47

Dyshohet të jetë ekzekutuar nga Brilant Martinaj, del video e

Është publikuar në media video nga momenti i ekzekutimit të ish-policit Xhelal Reçi në Laç në nëntor të vitit 2021.

Reçi u ekzekutua në një atentat rreth orës 07:11 të mëngjesit. Në videon e publikuar duken dy persona të maskuar të cilët dalin nga një mjet tip Toyota, zbresin dhe qëllojnë mbi ish-policin 60-vjeçar.

Viktima ishte prej vitesh drejtues i disa bizneseve në qytetin e Laçit ndërsa prej 15 vitesh punonte si efektiv policie. Pjesë e hetimeve të këtij atentati ishte një konflikt mes familjes Reçi dhe Martinaj, ku autori kryesor i dyshuar i ngjarjes ishte Brilant Martinaj, i ekzekutuar në një atentat disa ditë më parë.

Atentati ndaj Xhelal Reçit është kthyer tani në një ndër pistat e hetimit për vrasjen e tre të rinjve, Diklen Vata, Besmir Hoxha dhe Brilant Martinaj, ngjarje kjo e ndodhur në mbikalimin e Fushë-Krujës pasditen e së dielës.

Tre të rinjtë udhëtonin bashkë në një mjet tip Volsëagen Passat kur janë sulmuar me breshëri plumbash. Vata arriti të shpëtojë duke dalë jashtë mjetit, por autorët e kanë ndjekur dhe e kanë ekzekutuar në rrugë. Ndërsa Hoxha dhe Martinaj u shkrumbuan brenda mjetit i cili shpërtheu në flakë, që dyshohet të jetë vënë qëllimisht nga autorët.

Deri tani besohet se ndaj të rinjve janë derdhur rreth 60 plumba. Të tre janë emra të njohur për policinë dhe me precedentë të hershëm. Brilant Martinaj, kushëri i Ervis Martinajt, dyshohet të jetë vrarë edhe nga lidhjet e këtij të fundit me personazhe të të botës së krimit.

Të fundit