Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Më mirë në burg se në Gjadër”/ Vetëvritet në qeli 42-vjeçari maroken në Itali, nuk pranoi të kthehej në Shqipëri

Politiko 21 Maj 2025, 17:38

“Më mirë në burg se në Gjadër”/
Një tjetër tragjedi ka ndodhur në sistemin penitenciar italian. Hamid Badoui, një shtetas maroken 42-vjeçar, i cili ndodhej në burgun e Torinos, i ka dhënë fund jetës. Vetëvrasja e tij ka tronditur jo vetëm komunitetin e emigrantëve, por edhe institucionet që merren me të drejtat e njeriut dhe menaxhimin e emigracionit.

Sipas mediave italiane, Hamidi kishte më shumë se një dekadë që jetonte në Itali dhe i kishte shprehur qartë avokatit të tij se nuk donte të kthehej në Shqipëri, ku ishte planifikuar të dërgohej në kuadër të marrëveshjes mes Romës dhe Tiranës për menaxhimin e emigrantëve:
“Burgu është më i mirë se kampi në Gjadër, nuk do të kthehem në Shqipëri,” ishin fjalët e tij para se të ndërmerrte aktin ekstrem.

Zyra italiane për Azilin dhe Emigracionin shprehu pikëllimin për këtë humbje dhe ngriti shqetësimin për pasojat e politikave të reja të migracionit. Sipas deklaratave të dhëna, modeli shqiptar – promovuar si një zgjidhje “inovative” nga qeveria italiane – po kthehet në një simbol të izolimit, ndëshkimit dhe mohimit të të drejtave themelore.

Në raportimet e organizatave dhe mediave italiane thuhet se kampet në Shqipëri, përfshirë qendrën në Gjadër, ofrojnë kushte të papërshtatshme për jetesë, qasje të kufizuar në shërbime shëndetësore dhe ndihmë ligjore, si dhe ndalim administrativ që po përdoret më shumë si formë ndëshkimi sesa si masë e fundit, siç kërkohet nga e drejta ndërkombëtare.

Vdekja e Badoui-t shihet si pasojë e drejtpërdrejtë e një politike që i trajton refugjatët dhe emigrantët jo si njerëz në nevojë, por si rrezik që duhet përjashtuar. Protestat, vetëlëndimet dhe vetëvrasjet, sipas raportimeve, janë bërë një alarm për kushtet e rënda në këto qendra, si në Itali, ashtu edhe në Shqipëri.

Dje, Senati italian miratoi me votëbesim transformimin në ligj të dekretit për transferimin e emigrantëve në Shqipëri, çka ka sjellë një valë reagimesh dhe kritika për përqafimin e një politike të bazuar në frikë dhe propagandë, në dëm të të drejtave themelore të njeriut.

Të fundit