Flash News

Departamenti i Shteti 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

KRYESORE

Pasuria e Tom Doshit, Gjykata dërgon deputetin te Krimet e Rënda

Politiko 6 Nëntor 2017, 11:52
Pasuria e Tom Doshit, Gjykata dërgon deputetin te Krimet e Rënda

Gjykata e Lartë ka dërguar deputetin e PSD-së, Tom Doshin te Krimet e Rënda. Shkak është bërë mosdeklarimi i pasurisë së Doshit.

Sipas Prokurorisë, deputeti akuzohet se se nuk ka deklaruar transaksione financiare që ka bërë ndërmjet vetes dhe kompanive në pronësi të tij.

“Ka rezultuar se ka marrë e dhënë hua ndërmjet vetes dhe kompanive të tij dhe nuk ka deklaruar asgjë të tillë. Subjektet deklarues (zyrtarët) nuk kanë detyrimin të deklarojnë për kompanitë e bizneset. Por nëse subjektet deklarues (zyrtarët në këtë rast deputeti) hyjnë drejtpërdrejt në raporte financiare (huadhënie, huamarrje etj.), pra kur përfshihen si individë, duhet të deklarojnë lëvizjet financiare”, bënë me dije burimet jozyrtare të Prokurorisë.

Sipas tyre, gjatë hetimit janë kryer disa aktekspertime kontabël për hyrje-daljet financiare të kompanive në pronësi të deputetit Tom Doshi apo edhe ekspertime në lidhje me mënyrën si kanë ndryshuar me shtim apo pakësim pasuritë që ai disponon.

“Në përfundim të kë tyre akt-ekspertimeve kontabël, ka rezultuar se nga viti 2005 e deri në mars të 2017-s, deputeti Tom Doshi nuk ka deklaruar rreth 10 veprime e transaksione të kryera prej tij me qëllim shit-blerje tokash, makina, para të dhëna hua apo gjendjen e llogarive bankare”, bëjnë me dije burime nga grupi i hetimit.

Të fundit