Analisti Ben Andoni mendon se në Evropë shqiptarët po vazhdojnë që të shikohen si qytetarë të dorës së dytë.
“Shqiptarët vazhdojnë të shikohen si qytetarë të dorës së dytë, nuk thuhet sepse de jure, po ta thuash merr konotacion ndryshe, por shqiptarët vazhdimisht shikohen si qytetarë të dorës së dytë, dhe kur ky problem shkon dhe artikulohet në formë të moderuar edhe nga qarqe të larta, atëherë është vërtetë problem.”, tha ai në emisionin “Arena” në Ora News.
Ai foli edhe për Reformën në Drejtësi, për të cilën mendon se shqiptarët po përdoren pak. “Po përdoren sepse ai standardi është i jashtëzakonshëm, ai standard që kam përshtypjen se edhe në vende me nivele demokracie të konsoliduar nuk arrihet dot. Ti mund ti ngresh institucionet pas një viti, por njerëzit që do penetrojnë nuk do kenë asistencën, përgatitjen e duhur dhe garancitë.”
