Flash News

Bota

Protestat për rritjen e moshës së pensionit, policia arreston 457 persona në Francë

Protestat për rritjen e moshës së pensionit, policia arreston 457

Franca është në gjendje alarmi pasi më shumë se 1 milionë qytetarë kanë dalë në protestë ditën e djeshme për të kundërshtuar reformën që do të rriste gradualisht moshën e pensionit nga 62 në 64 vjeç.

Punëtorë nga sektorë të ndryshëm si transport, energji dhe arsim u larguan nga puna për tu bashkuar me protestuesit e tjerë. Grupet e dhunshme u infiltruan në protestat në Paris, Bordo dhe Lion duke shkaktuar trazira në rrugët e qyteteve franceze.

Ata i vunë flakën kontejnerëve, mbeturinave dhe portave të ndërtesave, hodhën shishe drejt bankave dhe policisë. Ministri i Brendshëm, Gerald Darmanin, tha sot për mediat e huaja se 457 persona u arrestuan të enjten në mbrëmje në të gjithë Francën.

Ai tha se 441 policë u plagosën ndërsa u regjistruan 933 zjarr. Në këto grupime kishte dhe policë që u solidarizuan me qytetarët e tjerë dhe braktisën postin për të protestuar.

 

Të fundit