“Gomar shkrimtar”, replika e 'përplasje' mes dy deputetëve të PD: Dyrdyli e paska nxjerrë preshin nga shishja

Sali Berisha u shpall kryetar i Partisë Demokratike duke u rikthyer në drejtimin e demokratëve pas 9 vitesh. Në garë përballë Ibesn Elezi, Berisha siguroi 99.9% të votave.

Fitorja e Berishës dhe rikthimi në krye të PD-së, është shoqëruar me replika e debate mes dy deputetëve demokratë, Agron Gjekmarkaj dhe Tritan Shehu.

Në një postim në Facebook, Gjekmarkaj ka ironizuar deputetin Tritan Shehu duke e quajtur atë “zgalm të epokës së re”.

“Revolucioni që marshon”, po jep sihariqe !

Ajo qerrateshë Amerikë po mundet në të gjitha frontet dhe deri në darkë fitoret e tij do të thellohen.

Bana dhe Tritua janë zgalemet e epokës së re. Tirania po dridhet anëembanë !”, shkruante Gjekmarkaj.

Pas postimit të deputetin ka reaguar edhe Shehu. Ai e ka quajtur Gjekmarkajn “një shkrimtar gomar” , teksa e cilëson një deputet aspak shpesëdhënës dhe me mungesë etike. Ndër të tjera, demokrati thekson se shkrimet që Gjekmarkaj po ia adreson, nuk e shqetësojnë aspak.

“Gomari shkrimtar”, nje inkurajim per „profesorin“ e vete shpallur Gjekmarkaj!

E inkurajoj te vazhdoj te shkruaj te tilla „bejte“, se ndoshta ndonje dite keshtu mund te kuptoje realitetin e tij, gje qe “Gomari shkrimtar” nuk e arriti kurre, ndersa si deputet nuk me duket shpresdhenes, jo vetem per mungesen e plote te etikes. Ne lidhje me vendosjen e emrit tim te deformuar neper ato, desheroj t’i them se nuk me shqeteson aspak me ato zhurma “bresherie mitralozi” qe publikon edhe ne adresen time, njelloj si tingujt qe nxirte “Gomari shkrimtar”!

Perkundrazi me zbavisin shume, duke kuptuar deri ku mund te arrije pa aftesia dhe mendje ngushtesia per te shkruar e dikujt, qe kerkon te paraqitet si shkrues! E gjithe kjo me kujton favolen “Gomari shkrimtar” te Jutta Person. Pra e inkurajoj te vazhdoj te shkruaj, sa me shume te tilla “bejte”….

Vetem dicka, por kjo eshte ceshtje e tij…. Keshtu vecse ve gjthmone dhe me shume ne pah problemet qe qendrojne brenda tij, gje qe “Gomari shkrimtar” nuk arriti kurre t’i kuptonte. Sidoqofte le te shpresojme se Agroni do tja arrije nje dite se paku kesaj! Dhe per ta ndihmur po i bashkengjis favolen “Gomari shkrimtar!”, shkroi Shehu në Facebook.

Replikat kanë vazhduar me Gjekmarkajn. Ky i fundit ka vazhduar me thumbat duke e cilësuar Shehun një “dërdyl që ka nxjerrë preshin nga shishja”.

“Dyrdyli e paska nxjerrë preshin nga "shishja" për ta përdorur atë si pendë që jep shpresë për të ardhmen. E paska lënduar "plagën" së dyti, një heroizem që ai e bën për Doktorin e vertetë herë pas here.

Të dy bashkë po e udheheqin "revolucionin" drejt fitores, drejt së nesermes.

Për t'i dëftuar trimëri Doktorit e për të shqiptuar fjalën euro nuk i merret goja qerratait !!”, shkruan Gjekmarkaj.