Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Përmbytjet, Spahia: Qeveria mungon plotësisht në Shkodër, kanë sjellë vetëm një makinë ushtrie

Politiko 23 Janar 2023, 19:46

Përmbytjet, Spahia: Qeveria mungon plotësisht në Shkodër,

Kryetari i Bashkisë së Shkodrës, Bardh Spahia ka folur për situatën aktuale në Shkodër të krijuar nga përmbytjet e ditëve të fundit.

Duke folur në Syri tv, Spahia thotë se qeveria qendrore mungon totalisht dhe se pavarësisht gjendjes problematike, është dërguar vetëm një makinë ushtrie me disa ushtarë.

“Jemi në mungesë të plotë të vëmendjes së autoriteteve të qeverisjes vendore. Këtu nuk ka asnjë specialist, apo ndonjë drejtor drejtorie, të mos themi të ministrave. Këtu kanë sjellë vetëm një vetëm një grup ushtarësh me një makinë për të cilën i falenderojmë për kalimin e banorëve në zonën e Obotit e cila izolohet nga uji dhe siguron një kalim minimal të atyre banorëve të izoluar.

Prania e qeverisjes qendrore është inekzistente, dhe kjo nis që tek paralajmërimi i munguar për hapjen e portave të Drinit. Kjo u vu re edhe në përmbytjen e para 1 muaji e gjysëm, ku askush nuk na lajmëroi se do të hapeshin portat’, tha Spahia.

Ai shtoi se pse kanalet kulluese janë të pastruara të gjitha, ato nuk mund të mbajnë ujin që vjen nga hapja e portave në mënyrë të pakontrolluar dhe pa asnjë njoftim nga KESH.

"Problematika me të cilën ne po përballemi është hapja në mënyrë të pakontrolluar e  portave të kaskadës së Drinit, pasi gjithë atë ujë nuk e përballon dot asnjë kanal. Para 1 muaj e gjysëm uji i digave mori përpara edhe urën", tha ai. 

 

Të fundit