Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Drejtoresha e Doganave, kundër “doganierit dixhital” të Berishës: Ja e vërteta

Politiko 27 Korrik 2017, 17:29

Drejtoresha e Doganave, kundër “doganierit dixhital” të

Ish-kryeministri Sali Berisha publikoi denoncimin e një doganieri dixhital, ku shkruante se “Le te verifikohet subjekti Juljan Ruci person fizik me nipt L61802013P cfar zhdoganon ky subjekt dhe çfar tregton realisht. Per juljan rucin drejtoresha na ka then se eshte miku im dhe vetem ky do lihet te punoj lirshem me celular”. Por pas këtij mesazhi ka reaguar drejtoresha e doganave Belinda Ikonomi. Sipas drejtoreshës deklaratat janë lajme false dhe se “Pas verifikimeve përkatëse në sistem të rastit në fjalë të dhënat tregojnë që ky person në vitin 2016 dhe 2017 nuk ka importuar asnjë mall me kontenier sikundërse pretendohet në lajmin e radhës as nga Kina as nga ndonje vend tjetër por rezulton se ka zhdoganuar dy herë mallra të telefonisë celulare në Degën Doganore Rinas, mallra këto të ardhura me transport ajror”.

DEKLARATA E PLOTE E DREJTORESHES

“Ditën e sotme kishim lajmin e rradhës nga doganieri dixhital.

Në respekt të transparencës dhe opinonit publik sqaroj që personin e dalë me emer dhe NIPT as nuk e njoh, dhe as nuk besoj se do kem rastin për ta njohur ndonjëherë.

Pas verifikimeve përkatëse në sistem të rastit në fjalë të dhënat tregojnë që ky person në vitin 2016 dhe 2017 nuk ka importuar asnjë mall me kontenier sikundërse pretendohet në lajmin e radhës as nga Kina as nga ndonje vend tjetër por rezulton se ka zhdoganuar dy herë mallra të telefonisë celulare në Degën Doganore Rinas, mallra këto të ardhura me transport ajror.

Gjithashtu, as nuk ka ndodhur dhe as nuk do të ndodhë në të ardhmen që unë të kontaktoj drejtpërsëdrejti me punonjësit e doganave në rrethe për të ndihmuar apo favorizuar individë apo subjekte të caktuara në punën e tyre të përditshme.

Këto informacione false, sikundërse dhe të dhëna të tjera po të pavërteta që kanë prekur personin tim dhe familjen time, nuk do të arrijnë të ndalojnë reformën e thellë në të cilën po shkon administrata doganore, asaj të doganës pa letër, ku asnjë doganier qoftë dhe dixhital nuk do të ketë më rastin të kontaktojë, shantazhojë apo favorizojë asnjë operator ekonomik pasi cdo praktikë do të vlerësohet online. Ky reformim ka nisur rrugëtimin e tij dhe do të shënjojë një kthesë të jashtëzakonshme për sistemin doganor në drejtim të rritjes së besimit, transparencës si dhe uljes së korrupsionit.

Me “doganierin dixhital” dhe të ngjashmit e tij që fabrikojnë këto lajme të pavërteta do të përballemi shumë shpejt në gjykatë.”