Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Arrestohet një prej autorëve të vrasjes në Vlorë, e shkuara kriminale e viktimës

Politiko 3 Mars 2021, 16:02

Arrestohet një prej autorëve të vrasjes në Vlorë, e

Pak minujta pas ekzekutimit të 31-vjeçarit Tauland Gjikaj (Beqiraj) në Vlorë, policia ka shoqëruar në komisariat një prej autorëve të dyshuar të ngjarjes. Në pranga është vënë shtetasi Hansi Jonuzaj.

Burime bëjnë me dije se Jonuzaj u kap nga forcat “Shqiponja” në një automjet tip “Ford” teksa po shkonte drejt Pyllit të Sodës.

Gjikaj u vra nga një person, i cili ka zbriti nga një makinë me xhama të zinj dhe qëlloi me breshëri kallashnikovi drejt të riut. Përveç autorit që qëlloi drejt Gjikajt në automjet ka qenë dhe një person tjetër që drejtonte makinën. Ngjarja ndodhi rreth orës 14:20, në lagjen “Bashkimi”, në afërsi të Gjykatës së Apelit.

Gjithashtu, mësohet se viktimës i është gjetur një pistoletë në brez. Burime bëjnë me dije se Gjikaj është djali i një ish-punonjësi policie dhe është arrestuar dy herë nga uniformat blu. Ai ka qenë protagonist në një ngjarje të rëndë të ndodhur në datë 27 shkurt 2018 në qytetin e Vlorës, ku 8 të rinj me pistoleta dhe kallashnikov janë përplasur me armë ndaj njeri-tjetrit. Nga shkëmbimi i zjarrit nga dy bandat mbetën 3 persona të plagosur. Tauland Gjikaj i cili ka përdorur dhe mbiemrat Beqiraj e Manaj ishte një ndër personat e përfshirë në konfliktin e armatosur. Ai u arrestua për ngjarjen, por u lirua sërish nga gjykata.

Njoftimi i dytë i Policisë së Shtetit:

Vlorë/Informacion shtesë
Policia e Vlorës kap dhe arreston në kohë rekord një nga autorët e dyshuar të vrasjes së 31-vjeçarit.
Shërbimet e Komisariatit të Policisë Vlorë, në bashkëpunim me strukturat hetimore të Drejtorisë Vendore të Policisë Vlorë dhe forcat e posaçme “Shqiponjat”, pas njoftimit të marrë se në lagjen “Bashkimi”, në afërsi të Gjykatës së Apelit Vlorë, kishte të shtëna me armë zjarri, menjëherë kanë shkuar në vendngjarje.
Falë veprimeve të shpejta profesionale dhe hetimore, krehjes së zonës dhe reagimit të menjëhershëm u bë e mundur kapja dhe arrestimi i njërit prej autorëve të dyshuar të ngjarjes, shtetasi:
H. J., 44 vjeç, banues në Vlorë.
Gjithashtu, shërbimet e Policisë kanë sekuestruar në cilësinë e provës materiale automjetin tip “Ford”, me të cilin autori tentoi të largohej, si dhe një armë zjarri kallashnikov.
Ky shtetas, sot, rreth orës 14:20, në lagjen “Bashkimi”, Vlorë, në bashkëpunim me një shtetas tjetër, i cili është shpallur në kërkim, ka qëlluar me armë zjarri në drejtim të shtetasit T. GJ., 31 vjeç, i cili si pasojë e plagëve të marra ka ndërruar jetë.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes, identifikimin dhe kapjen e autorit tjetër.