E-TJERA

Digjet në lëvizje makina e Adriatik Lapajt, reagon avokati

Digjet në lëvizje makina e Adriatik Lapajt, reagon avokati

Makina e juristit Adriatik Lapaj është djegur teksa ishte në lëvizje.

Siç njofton policia ngjarja ka ndodhur në rrugën “Kuvajt” teksa Lapaj ishte duke udhëtuar. Si pasojë, ka vetëm dëme material, ndërsa juristi ka shpëtuar pa dëmtime.

“Me datë 25.05.2023, në rrugën “Kuvajt”, ka marrë flakë në lëvizje e sipër dhe është djegur automjeti me drejtues shtetasin A. L., dhe si pasojë e zjarrit ka vetëm dëme materiale.

Nga veprimet paraprake dyshohet se zjarri ka rënë si pasojë e një defekti në mjet. Grupi hetimor po punon për përcaktimin e shkaqeve të rënies së zjarrit”, njofton policia.

Vetë Lapaj ka reaguar në Facebook ku shkruan se është shumë mirë dhe se gjithçka ishte një defekt teknik.

“Jam top! Nuk ka asgjë të qëllimshme. Si njerëzit që bëhen për spital edhe makinat pësojnë defekt. Asgjë nuk ka qenë e qëllimshme. Thjesht defekt. Ju dua!”, shkruan ai.

Të fundit