Flash News

E-TJERA

‘Ndrangheta në Shqipëri’ përmes bizneseve, ngjashmëria me skemën e pastrimit të milionave nga dy vëllezërit indianë në Tiranë

‘Ndrangheta në Shqipëri’ përmes bizneseve,

Publikimi i disa përgjimeve të antimafias italiane, ku përmendet fakti se zyrtarë dhe kriminelë italianë komunikojnë mes tyre për investime në Shqipëri, kryesisht në fushën e shëndetësisë dhe ndërtimit.

Gjithashtu në biseda theksohet se sa lehtë mund të merren leje për ndërtimin e gradacelave në Tiranë, përmes njohjeve me biznesmenë pranë kreut të bashkisë së Tiranës, si dhe shpejt mund të përfitohen tenderë në sektorin e shëndetësisë.  

Gjatë hetimeve janë ngritur dyshime se mafia italiane "Ndrangheta” ka dërguar biznesmenin Antonio Gallo në Shqipëri që të futet në tenderë e të ngrejë biznese përmes të cilave të pastrohen paratë e tyre.

Duke iu referuar hetimeve të italiane Antonio Gallo njihet si “sekseri’ që ndërmjetësonte lidhjet mes grupit mafioz dhe shqiptarëve.

Ortaku i biznesmenit të përgjuar nga antimafia italiane Antonio Gallo i njohur me nofken “Princi” është marrë nën hetim pasi ka hapur dyqanin e tij në Tiranë më 22 qershor 2017. Në një nga bisedat e përgjuara, Gallo flet me djalin e ish policit të Guardia di Finanza, i cili thotë se në Shqipëri ai është si në shtëpinë e tij.

Ata flasin për të ftuar persona me pushtet në inagurimin e dyqanit në Tiranë ndërsa përmendin edhe një pedagog si ndërmjetës për investime në turizëm dhe prodhimin e djathit.

Gallo thotë se në korrik e gusht në Shqipëri gjithçka është pezull pasi po presin të emërojnë ministrat e rinj e duke iu drejtuar Luciano D’Alessandro (djalit të finacierit të Ercole D’Alessandro) e Saverio Brutto thotë se gjatë këtyre dy muajve duhet të mësojnë të gjithë artikujt, të formohen për të qenë autonomë.

Madje në përshtypjen e krijuar mes tyre, D’Alessandro shprehet se investimet në Shqipëri do të jenë të mëdha.

Investimi fillestar për hapjen e biznesit të Gallos, që njihej me pseudonimin Princi, ishte rreth 80 mijë euro siç dokumentohet nga përgjimet e datës 24 maj 2017, në faqen 490 të dosjes.

Prokuroria e Posaçme për këtë çështje dhe burimet zyrtare thanë se “hetimi po kryhet në Itali dhe ne do të kontaktojmë me autoritetet në shtetin fqinj për të parë çfarë kanë ata në lidhje me Shqipërinë dhe pastaj do të vendosim”.

Por, sa e ngjashme është kjo çështje me rastin e dy vëllezërve indianë Sandesara rrethdy vjet më parë në Shqipëri?

Dy vëllezërit Nitin Sandesara dhe Chetankumar Sandesara u akuzuan për një skemë pastrimi parash prej 725 milionë dollarësh amerikanë, që në atë kohë po ndërtonin pallate në Shqipëri.

‘Ndrangheta në Shqipëri’ përmes bizneseve,

Ata ishin pronarët e kompanisë farmaceutike Sterling Biotech. Përgjatë viteve 2008-2011 ata kanë marrë mbi 725 milionë dollarë kredi nga disa banka shtetërore të Indisë, para të cilat nuk kanë shkuar në llogarinë e sterling, por janë zhdukur përmes një rrjeti prej 300 kompanish offshore të ngritura nga vetë ata.

Skandali shpërtheu në janar të 2018 kur agjencia e krimit ekonomik në Indi arrestoi drejtorin e bankës më të madhe e cila kishte lëvruar kreditë për vëllezërit sandesara. Në po të njëjtën kohe autoritetet indiane bllokuan pronat e kompanisë Sterling Biotech, e cila u fut në proces falimentimi. Por dy vëllezërit sandesara u arratisën nga India.

Deri vonë autoritetet indiane besonin se Nitin Sandesara dhe Chetankumar Sandesara ishin arratisur në Nigeri. Por e vërteta ishte krejt ndryshe.

Gjatë kohës që ishin në kërkim nga autoritetet indiane dhe skandali ishte bërë publik edhe në mediat ndërkombëtare, dy vëllezerit Sandesara kishin mbërritur në Shqipëri.

Madje arritën të merrnin nënshtetësinë shqiptare, duke ngritur dyshimin  se si SHISH kishte lejuar dhënien e nënshtetësisë për dy persona, të cilët jo vetëm ishin në kërkim ndërkombëtar, por I kishin emrat të botuar në mediat ndërkombëtare për pastrim parash.

Me ardhjen në Shqipëri në fund të vitit 2017, Nitin dhe Chetankumar Sandesara ngritën dy kompani në sektorin e ndërtimit, Tulja Real Estate dhe Laxmi Real Estate, të regjistruara me adresë në zonën e liqenit të thatë të Tiranës. Pikërisht në buzë të liqenit të thatë, Laxmi Real Estate po ndërtonte pallat bashkë me një kompani shqiptare, sic tregonte leja e ndërtimit e dhënë nga Bashkia e Tiranës në nëntor të 2018, skandal që ngre pikëpyetje të forta, jo vetëm për origjinën e parave që po financojnë bumin e ndërtimit, por edhe mbi faktin nëse po shndërrohet Shqipëria, parajsa e evazorëve dhe pastruesve ndërkombëtar të parave.

 

 

Ditari politik

Të fundit