Flash News

9 muaj pasi mori detyrën, dorëhiqet Shefi i Gardës, Ermal Onuzi

Thyen arrestin, vjedh makinë dhe arratiset si në film, kapet hajduti serial nga Tirana!

Emri/ Mashtroi klientët dhe i mori paratë, shpallet në kërkim avokatja

Goditet grupi kriminal, trafikonte d*ogë nga Spanja drejt Finlandës, ‘kokat’ e grupit ishin shqiptarë

Shpëtoi nga mbytja në Durrës, flet 31-vjeçarja angleze: U përmbysëm në çast, shoku im mbeti poshtë mjetit

E-TJERA

“Më kanë futur helm në pjatë”/ Rrëfehen nëna dhe motra e Dan Hutrës: Si nisi konflikti me ish-bashkëjetuesen?

Politiko 6 Mars 2023, 08:29

“Më kanë futur helm në pjatë”/ Rrëfehen

Dan Hutra ekzekutoi me breshëri kallashnikovi mesditën e së enjtes tre gra dhe la të plagosura dy të tjera në Paskuqan dhe Kamëz. Mevlute Hysa, Hasime Dafku dhe Etleva Kurti mbetën të vrara, ndërsa Elena Hysa (ish-bashkëjetuesja e Hutrës) dhe nëna e saj, Kujtime Hysa, mbetën të plagosura.

Nëna e Dan Hutrës, ka rrëfyer për herë të parë se si nisi konflikti mes familje Hutra dhe Hysa. Nëna tregon për “Review” në Euronews Albania se gjithçka nisi pasi Elena mësoi se ishte shtatzënë. Sipas nënës së Hutrës, autori nuk e ka keqtrajtuar Elenën, por ishte ajo që u largua nga banesa pa i njoftuar.

“Për fëmijën më ka treguar Dani, kam shkuar me nusen dhe ka dalë që ka qenë shtatzënë. Donte të iktë në mëngjes, i thashë ku po shkon? Do shkoj të bëj analiza se jam sëmurë, më tha. Në orën 5 ka ikur nga shtëpia. Më pyet Dani ku është nusja? I thashë që është në shtëpi. Komshia më tregoi që kishte kaluar gardhin nga koteci i pulave, vetëm telefonin kishte në dorë. Erdhi Dani dhe më tha bëhu gati të ikim në Kamëz të bëjmë denoncimin se është zhdukur. Ka shkuar tek familja e vet pas 4 orësh. Dani nuk e ka prekur me dorë. Kur ka lindur nusja, bashkë me vajzën i kemi shkuar në spital dhe i kemi çuar lule”, tha nëna e Hutrës.

Edhe motra e Dan Hutrës ka dhënë detaje nga konflikti mes dy familjeve. Sipas saj vëllai i kishte treguar se ish-bashkëjetuesja nuk e linte rehat dhe pavarësisht se Hutra i kishet kërkuar AND-në e fëmijës, Elena ka refuzuar ta bëjë.

“Vëllai ka pasur dy javë që ka dalë nga burgu. Ka ardhur me ka takuar në Kukës. Nuk dyshonim kurrë se do ta bënte këtë. Vetëm më ka thënë, motër nuk po më lë rehat, më ka lexuar mesazhet që i ka shkruar ish-gruaja. Nuk po më lë të jetoj jetën. Më thotë hajde tako fëmijën, nuk më lë ta takoj, i kam kërkuar të bëjë test, nuk e bën.

23 ditë para se të lidheshin ajo ka qenë shtatzënë, ka kërkuar test ADN që ajo s’ia dha kurrë. Nuk ka ushtruar dhunë. Ajo ka thënë më ka dhunuar me fjalë, pse e tërhoqi deklaratën. Bëri 8 muaj burg kot. Mesazhet i keni në telefon, të hapen telefonatat, të saj dhe Danit. Pasi ka dalë nga burgu ka kërkuar ADN e fëmijës. Gjithë lufta është bërë për këtë fëmijë, edhe sot e dua ADN për atë fëmijë”, tha motra e Dan Hutrës”, tha motra e Dan Hutrës.

Dan Hutra i mori jetën edhe Etleva Kurtit, motra e Vladimir Kurtit me të cilin Hutra kishte pasur konflikte kur kishte vuajtur dënimin në të njëjtën qeli në IEVP Korçë. Motra e Hutrës tregon se i vëllai i ka folur për një tentativë për ta helmuar nga ana e një të burgosuri të dënuar përjetë, që sipas saj është Vladimir Kurti.

“Telefonatat le të hapen, për Vit të Ri më ka thënë në telefon më kanë futur helmin në pjatë në burg brenda. Se kush ja ka futur nuk ma ka kallëzuar me emër. Ka qenë në një dhomë dhe më tha se e ka goditur. Më ka thënë që është ai me burgim të përjetshëm dhe helmin ma ka futur të më vrasë në burg. Me çfarë më merr mendja ky është, por nuk më ka thënë që do hakmerrej”, u shpreh motra e Hutrës.

Në momentin e arrestimit, Hutra iu kërkoi bluve ta lejonin të kryente dhe një vrasje të katërt dhe më pas të dorëzohej. Motra thotë se Rrahmen Sali është personi përgjegjës për vrasjen e të atit, dhe se Dan Hutra ishet betuar se do t’ia merrte hakun.

“Kjo është se personi që ka vrarë babën, ka marrë pushkën tek ky që donte të vriste Dani. Dani ka dashur të hakmerret. Rrahmen Seli është ky, ky që i ka dhënë pushkën për të futur dhe për të vrarë babën. Ka qenë i fiksuar për të marrë hakun e babës. Këtë që ka vrarë babanë e kemi njeri të afërt dhe Dani është betuar që do merrte hakun e Rrahman Selës”, tregoi ajo.

Të fundit