Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

Është kandidat për SPAK, konfirmohet në detyrë prokurori Besim Hajdarmataj

Politiko 16 Tetor 2019, 10:25
Është kandidat për SPAK, konfirmohet në detyrë

Prokurori pranë Prokurorisë së Gjykatës së Shkallës së Parë për Krime të Rënda në Tiranë, Besim Hajdarmataj është konfirmuar në detyrë nga Komisioni i Pavarur i Kualifikimit.

Ish- drejtuesi i Krimeve të Rënda u paraqit në seancë pa praninë e një avokati, përballë trupës gjykuese të përbërë nga Brunilda Bekteshi, Roland Ilia, Suela Zhegu.

Veç konfirmimit,  në seancë u vendos transferimi i dosjes penale të Përmetit për 12 ton droge për shkelje disiplinore në Inspektoratin e Lartë të Drejtësisë.

Hajdarmataj është pjesë e sistemit të drejtësisë prej 20 vitesh. Fillimisht e nisi karrierën në prokuroritë e Tropojës dhe Kurbinit, më pas u emërua në krye të Krimeve të Rënda në 2015-ën.

Një vit më parë, Arta Marku, pas emërimit si kryeprokurore e përgjithshme, e shkarkoi Hajdarmatajn dhe në vend të tij komandoi Donika Prelën.

Pak muaj më vonë, bashkë me disa prokurorë të tjerë, iu nënshtrua sërish një ‘furtune’ transferimesh jashtë Tiranës.

Ai u dërgua në Pogradec me urdhër të Markut, por KLP e riktheu sërish në Tiranë. Aktualisht, ai është kandidat për SPAK.

Të fundit