Greqia rikthen karantinën, izolon një prej vatrave për shtatë ditë me radhë

exinos
exinos

Autoritetet po marrin masa të jashtëzakonshme në zonën e Echinos, Xanthi në Greqi, pas rritjes së numrit të rasteve me coronavirus në zonë. Echinos do të qëndrojnë në izolim të plotë për një javë.

Pas konsultave me ekipin e ekspertëve të Ministrisë së Shëndetësisë dhe pas konfirmimit të 73 rasteve të reja në një ditë dhe 4 rasteve fatale tre ditët e fundit në zonë, janë rikthyer protokollet e trajtimit të pandemisë.

Është kërkuar ndalimi i lëvizjes së banorëve që jetojnë në Komunitetin e Echinos përtej kufijve të saj.

Banoreve u lejohet dalja vetëm për ushqime dhe medikamente dhe vetëm të pajisur me maska dhe doreza.