Hajdari thirrje Ramës dhe Metës: Boll me lojën për të deligjitimuar institucionet e drejtësisë

Deputetja e opozitës parlamentare Rudina Hajdari deklaroi se si kryeministri i vendit, ashtu edhe presidenti duhet që të ndalin lojën e shëmtuar politike, e cila ka për qëllim prishjen e imazhit të institucioneve të drejtësisë.

Në një status në Facebook, ajo shkroi se sot Shqipëria ka nevojë për institucione të forta.

“Për 29 vite me radhë, kjo klasë politike i ka dobësuar e delegjitimuar qëllimisht institucionet, në mënyrë që i vetmi autoritet në vend të ishin kryetarët e dy apo tre partive. Prandaj për 29 vite Shqipëria ka parë shumë krim dhe aspak ndëshkim. Ka ardhur koha që kjo të marrë fund.

Vendi, sot më shumë se kurrë, ka nevojë jo për burra që hiqen si të fortë para kamerave, por për institucione të forta të cilat japin drejtësi për të gjithë, të varfër apo të pasur, me apo pa pushtet. Ka ardhur koha që vendin ta qeverisin institucionet, ligji dhe Kushtetuta.”, shkroi Hajdari.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm