Ministrja ende në detyrë e Mbrojtjes, Mimi Kodheli ka prezantuar së bashku me ambasadorin Donald Lu, mjetet e blinduara që kanë mbërritur nga SHBA për ushtrinë shqiptare.
Në ceremoni ishin vetëm gjashtë mjete, por Kodheli theksoi në total janë 248 të tilla, si pjesë e paketës së ndihmës nga qeveria amerikane për Forcat e Armatosura të Shqipërisë.
“Këto janë 6 mjetet e para të blinduara nga 248 në total, pjesë e paketës së ndihmës nga qeveria e SHBA për Forcat e Armatosura të Shqipërisë”, shkruan Kodheli.
Mimi Kodheli do të zëvendësohet javën e ardhshme në postin e ministres së Mbrojtjes nga kolegia e saj në PS, Olta Xhaçka.
Financuar Nga Bashkimi Europian
