Flash News

Nga shpenzimet e ceremonisë te mbishkrimi i varrit, zbardhet testamenti i Papa Françeskut

Vatikani zbulon shkakun e vdekjes së Papa Françeskut: Pësoi goditje në tru

Kush mund të jetë Papa i ardhshëm? 6 emrat e mundshëm

Pse vetëm një parti po bën fushatë në Shqipëri?

Makina bie nga ura në Pogradec, plagosen nënë e bijë

Kosova

Shtyhet për herë të pestë seanca konstituive e Kuvendit të Kosovës

Politiko 21 Prill 2025, 16:22

Shtyhet për herë të pestë seanca konstituive e Kuvendit

Seanca konstituive e Kuvendit të Kosovës është shtyrë sërish të hënën, për herë të pestë, pas kërkesës së Lëvizjes Vetëvendosje (LVV) për të arritur një marrëveshje politike lidhur me zgjedhjen e kryetarit të Kuvendit. Deputeti i LVV-së, Glauk Konjufca, deklaroi se partia nuk do të propozojë sërish Albulena Haxhiun për kryetare, duke theksuar se kandidatura e saj nuk gëzon mbështetjen e partive të tjera parlamentare.

“Kërkojmë një marrëveshje politike për këtë çështje për të ecur përpara me funksionalizimin e Kuvendit,” u shpreh Konjufca.

Pas kësaj deklarate, kryesuesi i Kuvendit, Avni Dehari, vendosi ndërprerjen e seancës, duke njoftuar se ajo do të vazhdojë pas 48 orësh.

Kjo është hera e pestë që shtyhet seanca konstituive, pas zgjedhjeve të 9 shkurtit ku Vetëvendosje doli fituese. Seanca e parë më 15 prill dhe vazhdimi i saj më 17 prill u ndërprenë në pikën e parë të rendit të ditës, pasi partitë politike nuk arritën dakordësi për votimin e Komisionit për verifikimin e kuorumit dhe mandateve.

Në seancën e tretë më 19 prill u arrit konsensus për kalimin e këtij Komisioni, çka mundësoi betimin e deputetëve të legjislaturës së nëntë. Megjithatë, përpjekjet për të zgjedhur kryetaren e Kuvendit kanë dështuar deri më tani.

Albulena Haxhiu, kandidatja e propozuar nga Vetëvendosje, nuk arriti të sigurojë shumicën e nevojshme në dy raunde votimi të mbajtura të shtunën, duke marrë vetëm 57 vota nga 61 të nevojshme.

Të fundit