Mediat në Kosovë: Veç Veton Surroit, ish-ministri i Ramës përflitet si shefi i diplomacisë në qeverinë e Albin Kurtit

Veç Veton Surroit, në qeverinë e re të Kosovës po përflitet edhe ish ministri i qeverisë Rama, Ditmir Bushati për postin e ministrit të Jashtëm.

Gazeta Express shkruan se Bushati se po spekulohet se është një nga emrat në radarin e Vetëvendosjes dhe LDK-së për ta emëruar në krye të diplomacisë, edhe për faktin se ka qenë ndër kundërshtarët më të mëdhenj të idesë së ndryshimit të kufijve të Kosovës.

Sipas të njëjtave burime, Bushati është një nga emrat e mundshëm që Kurti e LDK-ja mund t’i besojnë udhëheqjen e diplomacisë kosovare.