Meghan Markle dhe Harry kanë hequr dorë nga të gjitha të drejtat mbretërore dhe tashmë kanë nisur jetën e tyre të re në SHBA pas disa javësh që qëndruan në Kanada.
Dje, çifti ka pasur detyrat e fundit mbretërore dhe zyrtarisht tashmë nuk janë më pjesë e familjes. Në shenjë lamtumire, Meghan dhe Harry kanë bërë dhe postimin e fundit në profilin e tyre në Instagram, që ishte një llogari e përbashkët e hapur pas martesës së tyre ku morën titujt nga mbretëresha Duka dhe Dukesha i Sussex.
“Siç mund ta ndiejmë të gjithë, bota në këto momente është jashtëzakonisht e brishtë. Megjithatë, ne kemi besim që çdo qenie njerëzore ka potencialin dhe mundësinë për të bërë një ndryshim siç shihet tani në botë, në shtëpi, në komunitet se së bashku mund ta ndihmojmë njëri-tjetrin.
Ajo që është me rëndësi tani është shëndeti dhe mirëqenia e të gjithëve në të gjithë globin dhe gjetja e zgjidhjeve për sa më shumë probleme që janë shkaktuar si rezultat i pandemisë.
Teksa të gjithë po përpiqemi të gjejmë rolin tonë për këtë ndryshim global, ne po përqendrohemi edhe te ky kapitull i ri në jetën tonë për të kuptuar se si mund të kontribuojmë më mirë.
Edhe pse nuk do të na shihni këtu, puna jonë vazhdon.
Faleminderit çdo komuniteti për mbështetjen, frymëzimin dhe angazhimin e përbashkët për një botë më të mirë. Ne mezi presim të bashkohemi sërish. Keni bërë një punë të paqme.
Deri atëherë, kujdesuni për veten dhe për njëri-tjetrin.
Harry dhe Meghan,” – shkruhej në postimin e tyre.
Financuar Nga Bashkimi Europian
