KRYESORE

Meta kundër ndërtimit të HEC-eve në Vjosë: Shteti të ruajë vlerat e natyrës dhe të shëndetit të njeriut

Meta kundër ndërtimit të HEC-eve në Vjosë: Shteti

Presidenti i Republikës Ilir Meta ka qenë i pranishëm sot në tryzën me temë “E ardhmja e Lumit Vjosa”, ku është diskutuar rreth ndërtimit të HEC-eve në këtë lumë.

Kreu i shtetit ka mbështetur iniciativën për ndalimin e ndërtimit të HEC-eve dhe ka ngritur shqetësimet e tij.

Meta tha se ndërtimi i HEC-eve në shkallë të gjerë s’mund të jetë në rrugën e blertë për zhvillimin e vendit dhe sipas tij raportet për ndikimin mjedisor të HEC-eve përgatiten në tavolina me papërgjegjshmëri të plotë dhe në mënyrë të shpejtë.

“Lumi Vjosa është një pasuri natyrore për vendin. Ndërtimi i HEC-eve në shkallë të gjerë dhe hapësirat jo miqësore dhe armiqësore në zonat e gjelbrta, s’mund të jetë në rrugën e blertë për zhvillimin e vendit. Shkencëtarët këmbëngulin se HEC-et shkaktojnë dëme në sipërfaqet e ujërave, deri në ashpërsimin e klimës deri në ngrohjen globale. Shqetësim bën dhe cilësia e hartimit të raporteve për ndikimin në mjedis të HEC-eve. Ato shpesh përgatiten në tavolinë në mënyrë të shpejtë dhe shpesh miratohen ato që do qeveria dhe koncesionari. Këto ditë jam vënë në dijeni për një letër të hapur nga komuniteti europian për një shqetësim për HEC-et. Çuditërisht këto kambana nuk dëgjohen. Shteti shqiptar duhet të ruajë vlerat e natyrës dhe të shëndetit të njeriut. Do të mbështesja ndalimin e digave mbi Vjosë dhe shpalljen e saj Park Kombëtar. Çdo qëndrim kokëfortë s’do i shërbente të ardhmes së vendit dhe rrugës drejt BE-së. Çdo shqiptar duhet të shkojë në lumin Valbonë, që është për të vënë duart në kokë me atë çka është bërë.”, tha Meta.

Ditari politik

Të fundit