Këtë vit, Marina Vjollca ishte jashtë projekteve televizive dhe shumë media kanë shkruar për arsyen e largimit të saj. Ku shumë prej aludimeve ishin se ishte Getoari ai që nuk e ka lejuar Marinën të jetë pjesë e emisioneve televizive.
E në fakt këtë, reperi e hodhi poshtë kur ishte i ftuar në emisionin “Xing me Ermalin”. Ai tha se Marina kërkon që atë që do bëjë të jetë perfekte ndryshe nuk e merr përsipër fare.
Por i ftuar sot në “Klubin e Mëngjesit”, Eraldo Rexho, kryeredaktor i Revistës “Who” ka hapur dyshime se mes tij dhe Marinës mund të ketë një bashkëpunim për një projekt televiziv lidhur me këngëtarët shqiptarë.
Kur Suada Daci e pyet Eraldon nëse do të punojë në Tv Klan ndonjëherë meqë asnjëherë nuk e kemi parë aty, ai tha:
“Po, do të jem në Klan në shtator, për diçka që ka lidhje me këngëtarët shqiptarë.”
Pas kësaj, Flori e pyet nëse ai do të punojë në projektin e përfolur të Marinës meqë i ka parë shpesh bashkë në Instagram, Eraldo tha:
“Me Marinën jam takuar se kemi shkuar në Kishën e Laçit për të ndezur një qiri.”
Financuar Nga Bashkimi Europian
