Moderatori ironizon largimin e Shpëtim Saraçit: Më preu krahët…

Moderatori i emisionit “Arena”, Dritan Hila ka ironizuar vendimin e kompozitorit Shpëtim Saraçi për t’u larguar nga Shqipëria. Hila e lidh këtë largim me faktin se Saraçi u pushua nga puna që kishte në RTSH dhe është i paaftë të gjejë një punë tjetër.

“Kjo ikja e Shpëtimit më preu krahët. Në sensin që më duket vetja i paaftë që ta gjej atë punë shteti që t’i paguaj fëmijëve studimet në Amerikë dhe jetoj edhe vetë”, shkruan Hila.

Ditët e fundit është hapur një debat i gjerë lidhur me largimin e disa figurave publike nga Shqipëria dhe komentet që ata kanë bërë, siç ishte rasti i tenorit Agim Hushi.