Shumë vende të botës janë të izoluara për shkak të pandemisë së COVID-19, ndërkohë në Itali dhe Spanjë gjendja është shumë dramatike me shifra tragjike vdekjesh dhe mijëra raste të reja.
Nisma të shumta ndërgjegjësuese janë marrë nga të gjitha fushat për të motivuar njerëzit të rrinë në shtëpi dhe të respektojnë kushtet e karantinës, në mënyrë që të mos përhapet më shumë virusi.
Një thirrje e veçantë ka ardhur dhe nga Dubai nga ndërtesa e tij më e lartë Burj Khalifa, që foli në të gjitha gjuhët e botës – përfshirë dhe në shqip.
“Në këtë jemi të gjithë bashkë” ishte mesazhi që ndriçoi në të gjitha gjuhët për ti dhënë kuraje të gjithë të karantinuarve, mjekëve që janë në vijën e parë dhe çdo njeriu që është në shërbim të popullit për të plotësuar nevojat e tyre të sigurisë dhe ushqimore.
Financuar Nga Bashkimi Europian
