Nga siguria ushqimore te dhuna ndaj funksionarëve, Rama prezanton ndryshimet e reja në Kodin Penal

Kryeministri Edi Rama ka prezantuar sot një nismë për ndryshime në Kodin Penal në disa sektorë.

Të parën që ka kërkuar ndërhyrje për ashpërsimin e masave që parashikon Kodi Penal ka qenë siguria ushqimore, referuar edhe nga denoncimet e ditëve të fundit se në ushqimet që konsumojnë shqiptarët përdoren hormone dhe pesticide, deri te materiale ndërtimi si pluhur allçie dhe tulle.

Po ashtu, Rama propozoi sot në mbledhjen e Grupit të PS edhe masa të reja për dhunën ndaj funksionarëve apo në stadiume.

Fjala e Ramës:  

Kodi Penal ka nevojë për disa ndryshime në disa aspekte për garantimin e lirive dhetë  drejtave të çdo qytetari.

Siguria ushqimore

Kemi bërë jo pak progres në këtë drejtim, produktet tona bujqësore dalin papërgjegjshmërish në ekranet e TV për të bërë sensacion, por janë plotësisht të shëndetshme.

Në 300 mijë tonë produkte të eksportuara në 2018 në BE asnjë kamion i vetëm nuk, është kthyer për shkak të cenimit të standardeve evropiane të sigurisë ushqimore.

Ata që kërcënojnë shëndetin e fëmijëve tanë duhet tu rezervojë ndëshkimin të heqjes së lirisë së aktivitetit dhe dhe individuale.

Futja e kimikateve në prodhimin e artikujve ushqimore do dënohet me burg, kur kjo vepër e kryer në bashkëpunim e kryer më shumë se një herë, burgimi  do jetë deri në 10 vjet.

Të gjitha prodhimeve ushqimore jashtë fatit përdorimit të tyre është problem i madh, një lojë që vazhdon prej 30 vjetësh, një vepër që do dënohet deri në 10 vjet. Mashtrimi me produktet ushqimore, po ashtu do të jetë i ndëshkueshëm.

Dhuna

Dhuna ndaj njerëzve në krye të detyrës, ndaj funksionarëve publik që nga parlamenti deri te çdo m2 të republikës. Dhunën ndaj policëve, që nga kundërshtimi me forcë deri te prekja me gishtin e vogël të uniformës blu, ndaj bluzave të bardha, në aktivitetet sportive në fushat e futbollit, ku jepen shembuj të shëmtuar të dhunimit që shkon përtej fushës.

Dispozitat kanë mangësi, ose nuk ekzistojnë.

E drejta e autorit

Nevoja për këto ndryshime për mbrojtjen e të drejtës së autorit, vjen si reflektim pas 30 vjetësh në këtë drejtim. Ka disa parashikime të pamjaftueshme për mbrojtjen e pronësisë intelektuale, por dispozitat nuk janë të plota. Nëse i krahasojmë me ndëshkimet për shkeljen në vendet e BE janë qesharake.

Kemi pezulluar me ligj lojërat e fatit, por kemi nevojë të ndërhyjmë për të ndëshkuar si vepër penale veprimtarinë e lojërave të tilla ilegale.

Zhurmat: 

Zhurmat në mjediset në vendet publike, asnjë institucion nuk ka fuqinë e veprimit.

Paketa e re ashpërson më tej dënimet për mbajtjen e armëve, s’mund të pranojmë si normalitet bllokimin e lëvizjes së lirë të mjeteve të qytetarëve dhe organizimin e bllokimin e qëllimshëm në mënyrë sistematike.

Kemi bërë ndryshime në direktivën evropiane për mbrojtjen e mjedisit. Mjedisit nuk mbrohet nga një legjislacion administrativ, ndaj duhet të plotësisht edhe me sanksionet përkatëse sipas Kodit Penal.

Neglizhenca e trajtimit mjekësor, kur rrezikon jetën e personit nuk mund të kalojë sikur  s’ka ndodhur asgjë. Kur shkakton vdekjen e një personi nuk mund të mos i përgjigjet penalitetin e autorit për mjekimin  e pakujdesshëm.

Ta votojmë të plotë në seancën plenare këto ndryshime duke dhënë përgjigje shqetësimeve të ngritura në vijimësi nga njerëzit sipas rasteve.