Vjen reagimi i presidentit Ilir Meta, pas publikimit të opinionit përfundimtar për kushtetutshmërinë nga ana e presidentit për shtyrjen e 30 qershorit.
Meta vlerëson se Opinioni final i Komisionit të Venecias konfirmoi të gjitha qëndrimet e Presidentit të Republikës.
“Presidenti i Republikës nuk ka shkelur Kushtetutën dhe nuk ka tejkaluar kompetencat e veta kushtetuese, pati qëllim legjitim, që synonte shmangien e gjakderdhjes, mbrojtjen e pluralizmit politik, ruajtjen e stablitetit dhe të kredencialeve demokratike të vendit, kompetencat kushtetuese të Presidentit nuk janë formale, sekretet e Presidentit janë në fuqi dhe nuk u sfiduan përpara asnjë gjykate, si dhe zgjedhjet parlamentare kanë status më të lartë kushtetues se zgjedhjet vendore”, shprehet Meta, i cili shton se ndjen keqardhje që gjatë 4 muajve të fundit u shpërdoruan energji që duhet të ishin vënë në shërbim të integrimit europian të Shqipërisë.
