Përmbyset autobusi me turistë në ishullin portugez, humbin jetën 28 persona

Të paktën 28 persona mësohet të kenë humbur jetën dhe shumë të tjerë janë plagosur pasi një autobus turistësh u rrëzua në ishullin portugez Madeira. Në autobus ishin 57 turistë gjermanë, kur doli nga rruga dhe u pëmbys mbi një shtëpi këtë pasdite.

Mediat lokale thonë se shoferi humbi kontrollin e automjetit në një kthesë, dyshime të tjera pohojnë se frenat mund të kenë dështuar. Shkaku i rrëzimit ende nuk është konfirmuar.

Filipe Sousa, kryebashkiaku i Santa Cruz-it, është raportuar të ketë thënë për mediat lokale se 28 persona kanë vdekur. Viktimat janë 11 burra dhe 17 gra.