Vllaznia triumfoi 4-0 përballë Apollonisë, në ndeshjen e luajtur në “Elbasan Arena”. Mirëpo, pas asaj ndeshje që do tju jepte fitoren vajzave shkodrane, ‘fshihet’ edhe një ‘sekret’ i vogël në plotë kuptimin e fjalës, i cili mund të ketë shërbyer si ogur i mirë gjatë këtij takimi.
Kupa e fitores sot nuk u ngrit nga kapitenia Megi Doçi, siç tradita e kërkonte, por nga portierja Raxhimi; dhe kjo jo pa shkas. Pas këtij veprimi qëndron një histori tepër e veçantë në futbollin shqiptar, ndoshta edhe në atë botëror.
Portjerja e Vllaznisë, Ardiola Raxhimi, zbriti sot në fushë me barkun e rrumbullakosur, duke luajtur për t’i dhënë fitoren skuadrës së saj. Shatëzënia, nuk e privoi dëshirën e saj për të marrë pjesë në ndeshjen finale të vlefshme për Kupën e Shqipërisë.
Detajin tepër interesant e ka zbuluar vetë Raxhimi, e cila në përfundim të ndeshjes, e lumtur për fitoren, shprehet se ‘mund t’ua kemi bërë edhe me hile’.
“Një sekret i vogël. Mund t’ia kemi bërë me hile, pasi ne kemi luajtur me “12 vetë”, pasi unë së shpejti do të bëhem me një bebe”, ka thënë portierja Ardiola Raxhimi.
Guximi i saj për të dalë në fushë dhe dhuruar fitoren skuadrës, pavarësisht barkut të rrumbullakët që kishte filluar t’i duket sipër bluzes së gjerë të uniformës, është vërtetë për t’u admiruar.
Financuar Nga Bashkimi Europian
