Presidenti Meta: Reforma në Drejtësi është zbatuar në mënyrë të njëanshme

Presidenti i Republikës, Ilir Meta, i ftuar në emisionin ‘Përballë’, është shprehur se reforma në drejtësi ka ndeshur vështirësi në zbatim.

“Reforma në drejtësi u votua në Parlament nga një shumicë domethënëse, arritje e madhe. Por është zbatuar në mënyrë të njëanshme. Ligjet i kemi të mira, por vuajmë tek zbatimi”, thekson Meta.

Presidenti ka komentuar gjithashtu faktin se Shqipëria nuk ka ende në Gjykatë Kushtetuese, duke thënë se kjo situatë është njëlloj sikur të mos kishim Kushtetutë.

“Janë të patolerueshme deklaratat e ndërkombëtarëve se kjo situatë do zgjidhet dhe nuk nxisin hapa konkretë. Asnjë vend nuk mund të rrijë kaq gjatë pa Gjykatë Kushtetuese”, shprehet Meta.