Rama nuk tërhiqet për datën e mbajtjes së zgjedhjeve

Kryeministri Edi Rama nuk ka vonuar që t’i përgjigjet presidentit Ilir Meta, pas konferencës për shtyp të këtij të fundit, ku deklaroi se është ai që vendos se kur bëhen zgjedhjet dhe se është përpjekur që të shmangë konfliktin civil në vend.

Kreu i ekzekutivit ka zgjedhur profilin tij në Twitter për të dhënë opinionin e vet. Por me sa duket, fjalët i ka pasur të pakta, ashtu si edhe argumentet në lidhje me këtë temë delikate.

“Zgjedhjet do të bëhen në 30 qershor”, ishte mesazhi i tij në Twitter.