Këngëtarja Rihanna – e cila prej disa kohësh është tërhequr nga muzika – la bërë histori në botë me paraqitjen e saj në kopertinën e “British Vogue”. Rihanna mbante në kokë një “durag” që është dhe simbol i fuqisë së njerëzve me ngjyrë.
Durag apo do-rag ose du-rag është një shall që vendoset në kokë, kryesisht për të mbajtur më mirë gërshetat. Ky fillimisht u përdor nga gratë e varfra punëtore dhe skllave të shekullit XIX.
Pas lëvizjes për fuqizimin e komunitetit afro-amerikan e njohur si “Black Power Movement” duragët u kthyen në aksesor të zakonshëm dhe u përdorën nga shumë personazhe të njohur, duke përfshirë reperë dhe atletë. Duragët u bënë simbol të mbijetesës dhe fuqisë së afro-amerikanëve.
Por për një paraqitje e tillë është e pabesueshme edhe për redaktorin revistës së njohur “British Vogue”, Edëard Enniful, i cili shkruan:
“A e kisha imagjinuar ndonjëherë që do të shihja një durag në kopertinën e Vogue?”
Ai tregon gjithashtu në postimin e tij se ishte ideja e Rihannas që të shfaqej me durag, i cili u krijua nga Stephen Jones.
“Për setin fotografik, ajo dëshironte një dekadë të re. Kemi punuar me një arkiv të konsiderueshëm për të gjetur një propozim të ri. Ishte ora 2 e mëngjesit kur më ra telefoni dhe më tha: ‘Po sikur të përdorim një durag?’”
Kujtojmë se kjo nuk është hera e parë që Rihanna mban një durag në kokë – këtë e ka bërë edhe në Grammy Awards.
Financuar Nga Bashkimi Europian
