Përditësimi i softuerit të Galaxy Note10 në Galaxy S10, që është planifikuar për tregjet evropiane, do të sjellin shumë risi dhe do të rrisin standartin e smartphone-ve – duke përfshirë opsione si AR Doodle, një editues i integruar i videos dhe Link to Ëindoës – në Galaxy S10e, S10, S10+ dhe S10 5G. Gjithashtu, ky azhurnim sjell përdorim të thjeshtuar të galerisë së fotografive, kërkimit dhe Ëi-Fi inteligjent për lidhje të qëndrueshme dhe të sigurt.
Por çfarë do të ndodhë menjëherë sapo të shkarkohet përditësimi në smartphone-in Galaxy S10?
Kamera profesionale do të jetë edhe më e fuqishme. Përditësimi zgjeron Nigh Mode të kamerës për të përfshirë mbështetje edhe për kamerën e përparme – duke u ofruar përdoruesve më shumë liri për shkrepur foto të gjalla pas errësirës. Ajo gjithashtu prezanton stabilizim të zgjeruar të videos super të qëndrueshëm, si dhe mbështetje për funksionet dinamike të Galaxy Note10 si AR Doodle dhe regjistrimi i videove me fokus të drejtpërdrejtë. E para lejon që përdoruesit të pasurojnë videot e tyre me vizatime dhe mesazhe argëtuese të realitetit të përmirësuar, ndërsa e fundit u lejon atyre të aplikojnë efekte bokeh (përfshirë turbullimin, rrethin e madh, color point dhe glitch) në videot e regjistruara me kamerën e përparme ose të pasme.
Përditësimi përfshin gjithashtu mbështetje për Samsung DeX për PC. Pasi përdoruesit të shkarkojnë aplikacionin nga SamsungDeX.com, ata do të jenë në gjendje të lançojnë Samsung DeX në PC ose Mac thjesht duke lidhur Galaxy S10 me kompjuterin e tyre përmes USB. Mbështetja për Link to Windows është shtuar gjithashtu, që do të thotë se përdoruesit e Galaxy S10 do të jenë në gjendje të lidhin pa tel telefonin e tyre me kompjuterin Windows 10 dhe të shikojnë me lehtësi përmbajtjen e tij, të dërgojnë dhe të marrin mesazhe, dhe të sinkronizojnë fotot e fundit direkt nga kompjuteri i tyre.
Siç shpjegoi Jiyoung Mun, një inxhinier në Zyrën e Mobile Research & Development të Samsung Elektronics, azhurnimi i Galaxy S10 pasqyron angazhimin e Samsung për t’u ofruar më shumë përdoruesve akses në risitë e jashtëzakonshme.
“Në Samsung Electronics, ne po eksplorojmë vazhdimisht mënyra për t’i ofruar përdoruesve të pajisjeve Galaxy përvojën më të mirë të mundshme në smartphone, dhe ky përditësim i softuerit është një provë e këtij angazhimi.”
Telefonat inteligjentë Galaxy S10 kanë një ekran Dynamic AMOLED me certifikatë HDR10 +, projektim dynamic tonaliteti dhe dhe lëshojnë 40% më pak dritë blu. Ky ekran, fitues i disa çmimeve, ka çertifikimin VDE për ngjyra të gjalla e të ndritshme dhe raportin më të mirë të kontrastit. Për më tepër, ekrani Dynamic AMOLED gjithashtu zvogëlon dritën blu përmes ekranit të tij të certifikuar me TÜV Rheinland Eye Comfort pa kompromentuar cilësinë e figurës ose pa shtuar një filtër.
Financuar Nga Bashkimi Europian
