Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

Uji me fekale në rubinet/ Ish deputetja 'nxjerr bllof' Veliajn: Përgjegjës për shëndetin e mijëra qytetarëve (Video)

Politiko 21 Shtator 2019, 13:17

Uji me fekale në rubinet/ Ish deputetja 'nxjerr bllof' Veliajn:

Ish deputetja e PD-së Oriola Pampuri ka ka akuzuar kryetarin e Bashkisë së Tiranës, Erjon Veliaj për mungesën e ujit në familjet e kryeqytetit dhe cilësinë e keqe të tij.

Në një deklaratë për mediat Pampuri tha se kjo gjendje ka filluar qysh kur ujësjellësi kaloi në pronësi të plotë të Bashkisë së Tiranës, duke shtuar se Veliaj e ka vjedhur dhe qeverisur keq kryeqytetin i cili, sipas saj, ka tashmë si simbol autobotët dhe bidonat e ujit.

“Me mungesën e vazhdueshme të ujit të pijshëm, kushtet e jetesës në Tiranë janë përkeqësuar gjatë drejtimit të kryeqytetit nga Erion Veliaj. Që kur ujesjellesi kaloi në pronësinë e plotë të Bashkisë së Tiranës, kryeqyteti po vuan mungesën e ujit të pijshëm dhe, akoma më keq, uji shkon i ndotur në shumë familje shqiptare.

Ndryshe nga shumica e mediave që Erion Veliaj ka blerë dhe kontrollon, rrjetet sociale, të pacensuruar prej tij, shfaqin çdo ditë realitetin e mungesës së ujit në Tiranë. Autobotët dhe bidonat e ujit janë simbolet e një qyteti të qeverisur keq, pa investime dhe të vjedhur nga Erion Veliaj”, tha Pampuri.

Ajo publikoi një video ku kryebashkiaku thoshte se cilësia e ujit në rubinet është e mirë dhe e kontrolluar dhe nga ana tjetër shihej se në rubinet vinte ujë i përzier me fekale. Ish deputetja u shpreh se ‘me deklaratat e tij të papërgjegjshme, Veliaj është përgjegjës për shëndetin e mijëra qytetarëve.

“Kryetari i palogjshëm i Bashkisë se Tiranës është përgjegjës për shëndetin e mijëra qytetarëve të Tiranës me deklaratat e tij të papërgjegjshme se uji që vjen në rubineta është i sigurtë. Ne kemi bërë gati një material, ku, në më pak se 1 minutë, perballet propaganda e Erion Veliajt me realitetin që qytetarët denoncojnë në Tiranë për gjendjen e mjerueshme të ujit në zona të ndryshme të qytetit.

Arsyeja pse ne nuk kemi ujë në shtëpi dhe bizneset tona, megjithëse e paguajmë atë më shtrenjtë se kushdo në Shqipëri, është rezultat i drejtpërdrejtë i vjedhjes nga ata që drejtojnë kryeqytetin.

Bashkia e Tiranës është shndërruar në një bunker të madh, ku askush nuk jep asnjë informacion për qytetarët, askush nuk jep llogari, por vetëm i zhvat ata duke rritur taksat, duke rritur çmimin e ujit, duke vendosur gjoba, duke betonizuar çdo hapësirë dhe duke përkeqësuar cilësinë e jetesës në qytet.

Qytetarët e Tiranës duhet ta dinë se ndërkohë që në shtëpitë e tyre nuk ka ujë te pijshëm, Erion Veliaj fiton 11 milionë euro në vit nga ujësjellësi pa i investuar ato. Investimi i vetëm i kryebashkiakut që gënjen është rritja e vazhdueshme e çmimit të ujit, plan nga i cili Erion Veliaj nuk ka hequr dorë akoma”, deklaroi Pampuri.

[video width="1072" height="600" mp4="https://cdnimpuls.com/politiko.al/uploads/2019/09/ERJON-VELIAJ.mp4"][/video]