Flash News

Aksident në Durrës, makinë përplas skuterin me dy 13-vjeçarë

Atentati në Lundër/ Gjendet motomjet i djegur që dyshohet se u përdor nga autorët

Ra nga lartësia në kantierin e aeroportit të Vlorës, humb jetën punëtori

SPAK lëshon 3 urdhër arreste për shefin e qarkullimit Rrugor në Tiranë dhe 2 zyrtarë të tjerë të policisë

Atentati ndaj 4 të rinjve në Lundër, plumbat prekën edhe një “Ford”

KRYESORE

Kleriku bën thirrje për shkulje të memorialit turk: Si shtatoren e Enverit

Politiko 11 Gusht 2019, 11:19

Dom Agustin Bardhi, prift katolik, në një postim në Tëiiter e ka krahasuar pllakatën e vendosur në Tiranë në kujtim të 'dëshmorëve' të grushtit të shtetit në Turqi me shtatoren e diktatorit Enver Hoxha.

Duke bërë këtë krahasim kleriku shton se nuk është mëkat të shkulet pllakata e vënë së fundmi në kryeqytet, siç nuk ishte mëkat shkulja e monumentit të Enverit.

Vendosja e një memoriali në përkujtim të viktimave të grushtit të shtetit të ndodhur në Turqi pa tre vitesh ka zgjuar shumë kundërshtime në Shqipëri. Pllakata është vendosur, siç ka rapotuar Zëri i Amerikës' nga Ambasada e Turqisë dhe nuk ka patur pjesëmarrje të autoriteteve shtetërore, me përjashtim të nënkryetarit të Bashkisë Arbjan Maznikut.

Asnjë përfaqësues zyrtar nuk ka komentuar ende, as mbi memorialin dhe as mbi reagimet. E vetmja gjë që dihet është se ekziston prej kohësh një 'muaj mjalti' mes kryeministrit Rama dhe presidentit turk Erdogan. Te kjo lidhje speciale mendohet të jetë gjetur edhe 'leja' për vendosjen e memorialit në Tiranë.

Grushti i shtetit, viktimat e të cilit përkujton memoriali në Tiranë ndodhi më 15 korrik 2016 dhe u organizuar nga Forcat e Armatosura të cilat u përpoqën të merrnin nën kontroll qytetet kryesore dhe të rrëzonin presidentin Erdogan. 241 ishte numri i raportuar i të vrarëve dhe mbi 2 mijë i të plagosurve. Erdogani shënjestroi klerikun fetullah Gulen si organizator të komplotit dhe iu përgjigj me dorë të hekurt duke bërë me mijëra arrestime.

 

Të fundit