Pak ditë pas përgjigjes negative që Shqipëria dhe Maqedonia e Veriut morën në samitin e 18 tetorit në Bruksel lidhur me datën e nisjes së bisedimeve për anëtarësim në BE, ‘hyn në lojë’ Rusia.
Dy vendet aspirante kanë marrë një ftesë për t’u anëtarësuar në Bashkimin Ekonomik Eurasian (EEU), nga Përfaqësuesi i Përhershëm i Rusisë në BE, Vladimir Chizhov, gjatë Forumit Ekonomik Eurasian në Verona, Itali.
Sipas diplomatit rus, Shqipëria dhe Maqedonia e Veriut do të gjejnë mirëkuptim më shpejt brenda EEU sesa në BE.
“Jam i sigurt që vendet, të cilat janë kandidate për anëtarësim në BE dhe së fundmi “u ngrinë””nga Brukseli, mund të gjejnë më shumë mirëkuptim në Bashkimin Ekonomik Euroazian”, tha Chizhov.
Ftesa e Rusisë në vendet e Ballkanit për t’u anëtarësuar në Bashkimin Ekonomik Euroaziat vjen vetëm disa ditë pas qëndrimit negativ nga ana e presidentit francez Emmanuel Macron për të vënë veton ndaj një date për fillimin e negociatave të pranimit në BE midis Shqipërisë dhe Maqedonisë së Veriut. Bjellorusia është i vetmi vend evropian që po merr pjesë në EEU.
Më herët, edhe ‘Financial Times’ shkruante se Ballkani përbën një rajon me interes të veçantë për trazira nga ana e Rusisë, Turqisë dhe Kinës, duke marrë si shembull rastet e përfshirjes së Rusisë në zgjedhjet e Malit të Zi, financimin e islamit politik në rajon nga Turqia dhe zgjerimin e influencës së ekonomisë së Kinës.
Russia invites Albania, North Macedonia to join the Eurasian Union
Financuar Nga Bashkimi Europian
