Flash News

KRYESORE

Shkon në 197 numri i të infektuarve me Covid-19 në Shqipëri, 4 në gjendje kritike

Shkon në 197 numri i të infektuarve me Covid-19 në Shqipëri,

Shkon në 197 numri i personave të infektuarve me Covid-19 në Shqipëri. Sipas Ministrisë së Shëndetësisë, gjatë 24 orëve të fundit janë konfirmuar 11 raste të reja me COVID-19, si dhe kanë ndërruar jetë dy pacientë që kanë qenë të shtruar gjatë ditëve të fundit në Infektiv.

“Në 24 orët e fundit janë testuar 79 persona të dyshuar, prej të cilëve janë konfirmuar 11 raste të reja me COVID-19.

Deri në këto momente janë testuar 1325 raste të dyshuara dhe prej tyre janë të konfirmuar pozitivë me COVID-19, 197 raste.

Gjatë 24 orëve të fundit kanë ndërruar jetë dy pacientë në spitalin Infektiv, një 67 vjecar nga Tirana dhe një 72-vjecare nga Vlora. Ministria e Shëndetësisë i shpreh ngushëllimet familjarëve të të ndjerëve.

Në shërbimin infektiv aktualisht janë 74 të shtruar dhe prej tyre 4 janë në terapi intensive. Pjesa tjetër e të shtruarve në pavion janë në gjendje të stabilizuar deri në këto momente.

Shpërndarja gjeografike e rasteve pozitive:

- Tiranë           113 raste

- Durrës           11 raste

- Lushnje         4 raste

- Elbasan         5 raste

- Rrogozhinë   2 raste

- Fier               21 raste

- Kavajë          4 raste

- Korçë            12 raste

- Vlorë            5 raste

- Shkodër        4 raste

- Lezhë            4 rast

- Berat             1 rast

- Has               2 raste

- Krujë            3 rast

-Tropojë          3 raste

- Pukë               3 raste

Deri tani kemi 33 të shëruar pas testeve të kontrollit të kryera kanë rezultuar negativë.

Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!

Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!”, sqaron MSH.

Ditari politik

Të fundit