Një ditë pasi Këshilli Politik nuk arriti të gjejë një marrëveshje për Reformën Zgjedhore brenda afatit të paracaktuar prej palëve, 31 maj, pavarësisht inkurajimit të faktorit ndërkombëtar, ambasadorët e SHBA, BE dhe të Britanisë së Madhe sot në mesditë pritet të zhvillojnë një takim me kreun e opozitës, Lulzim Basha.
Takimi mes Bashës dhe ambasadores së SHBA, Yuri Kim, të Bashkimit Evropian, Luigi Soreca dhe atij britanik Duncan Norman u zhvillua rreth orës 15.00 në selinë blu.
Pas diskutimeve, të tre ambasadorët, Yuri Kim, Luigi Soreca dhe Duncan Norman u larguan nga selia e PD pa dhënë asnjë koment për mediat.
Takimi vjen një ditë pasi palët nuk arritën marrëveshje për Reformën Zgjedhore në Këshillin Politik.
Disa ditë më parë Basha u zotua para ambasadores Yuri Kim se Reforma Zgjedhore përfundon më 31 maj, por kjo e fundit pranoi se ky nuk është kusht i ndërkombëtarëve, por i palëve.
“Organizimi i zgjedhjeve të lira është prioritet i PD, do bëjmë gjithçka për ti garantuar shqiptareve të votojnë të pa ndikuar nga bandat kriminale për qeverinë e tyre. Do të kërkojmë që brenda 31 majit të kryejmë reformën, një afat që ne ja kemi vënë kësaj mazhorance. Qytetarët do votojnë qeverinë e tyre dhe Shqipëria të mos jetë peng i të shkuarës por të ecë në rrugën e integrimit eiropian”, i tha Basha ambasadores Kim.
Dje palët nuk arritën në një marrëveshje për Reformën Zgjedhore. Ndërkohë mësohet Këshilli politik do të zhvillojë një mbledhje nesër në orën 17:00.
Financuar Nga Bashkimi Europian
