Flash News

E rëndë! Fëmija vdes në maternitet dy ditë pas lindjes, e dëmtojnë mjekët

Këshilli i Drejtues i RTSH-s nis nga e para garën për Drejtorin e Përgjithshëm

Moti i keq shkakton përmbytje në ishujt grekë Paros dhe Mykonos

“Defender Europe 25”, Kosova pret stërvitjen më të madhe ushtarake në Evropë

Osmani cakton 15 prillin si datë për konstituimin e Kuvendit të Kosovës

Bota

BBC: Gjermania “hedh” historinë pas krahëve dhe përgatitet për luftë

Politiko 31 Mars 2025, 12:54

BBC: Gjermania “hedh” historinë pas krahëve dhe

Ushtria Gjermane, Bundeswehr, ka nisur një plan masiv investimesh, pasi Parlamenti i Gjermanisë votoi për të hequr kufizimet e shpenzimeve për mbrojtjen dhe rregullat strikte mbi borxhin. Ky ndryshim i politikës vjen pas intensifikimit të tensioneve ndërkombëtare, përfshirë luftën e vazhdueshme mes Rusisë dhe Ukrainës, duke bërë që shumë analistë të parashikojnë një mundësi për rritje të mëtejshme të konflikteve në Europë.

Një gjeneral i lartë gjerman, Carsten Breuer, theksoi për BBC se rritja e shpenzimeve ushtarake është një nevojë urgjente, pasi beson se agresioni rus nuk do të ndalet në Ukrainë. Ai ka shprehur shqetësimin se NATO duhet të jetë e përgatitur për një sulm të mundshëm nga Rusia brenda 4 vjetësh, duke thënë: “Ne jemi të kërcënuar nga Rusia. Ne jemi të kërcënuar nga Putin. Ne duhet të bëjmë gjithçka që është e nevojshme për ta penguar atë.”

Pushtimi i Ukrainës nga Rusia ka ndryshuar thellësisht mendimin në Gjermani, ku për dekada shumë gjermanë refuzonin fuqinë ushtarake për shkak të roli të tyre si agresorë në Luftën e Dytë Botërore. Markus Ziener nga Fondi Gjerman Marshall në Berlin shpjegon se, pavarësisht kalimit të 80 viteve që nga fundi i Luftës së Dytë Botërore, shumë gjermanë e kanë ende të theksuar ideologjinë e qëndrimit jashtë konflikteve.

Kjo politikë e re e mbrojtjes, si dhe nevoja për një ushtri më të fortë dhe më të përgatitur, shënon një kthesë të madhe në historinë ushtarake të Gjermanisë, e cila tani synon të sigurojë një pozicion të fuqishëm përballë kërcënimeve të mundshme nga Rusia.

Të fundit