Flash News

Rëndohet bilanci në Roskovec, ndërron jetë edhe ish-vjehrra e Refit Buzit

Nëna e djalit autik i përgjigjet Ramës: Mos e përdor djalin tim! Nuk isha në protestë, po e çoja në terapi

Vrau ish-vjehrrin dhe plagosi rëndë ish-vjehrrën, vetëv*itet Refit Buzi

"The Atlantic": Protestat nuk janë kundër Trump, shënjestra është Edi Rama

Stuhi e fortë e breshër, Elbasani përfshihet nga moti i keq

KRYESORE

“Politika”, gazeta e Vlorës që trajtoi probleme kombëtare në 1923

Politiko 3 July 2017, 11:39
“Politika”, gazeta e Vlorës që trajtoi probleme

Në 1 janar 1923 doli numri i parë i gazetës “Politika”, një gazetë javore që trajtonte problemet politike dhe sociale të kohës. Gazeta botohej në Vlorë dhe kishte si protagonistë dy “vlonjatë”, Seid Kemal, një avokat që deri në 1923 kishte drejtuar disa gazeta si “Populli” (1914-1915), “Fjala e lirë” (1921-1922) dhe më pas gazetat “Vlora e re” (1929) dhe “Jeta e re” (1937- 1939). Njëherësh kishte bashkëpunuar me disa gazeta të tjera të rëndësishme të kohës.

Gazeta “Politika” kishte edhe një tjetër drejtues, Halim Xhelon, atdhetar dhe publicist, njëri nga organizatorët e luftës së Vlorës në 1920-n, pjesëmarrës më pas në “revolucionin” e qershorit dhe përkrahës i Qeverisë së Nolit, që pati dhe një aktivitet të dendur atdhetar jashtë atdheut, ku edhe vdiq më 13 shkurt, 1937.

Seid Kemal dhe Halim Xhelo kishin një të kaluar të përbashkët pune në Korfuz, gjë që i lidhi edhe në publicistikë, për të botuar gazetën “Politika”. Gazeta dilte një herë në javë dhe çdo javë gazeta me 4 faqe, përveç problemeve politike të kohës, që duhet pranuar fakti se vendi ishte në një fazë lëvizjesh të njëpasnjëshme politike, ku qeveritë ndërroheshin shpesh, njëra pas tjetrës, gazeta trajtonte probleme të politikës së jashtme, partive politike dhe administrimit lokal, urime dhe njoftime të tjera të dobishme si dhe lajme politike nga bota.

Numri i parë i kësaj gazete, 1 janar 1923, doli me kryeartikullin “Riformat burokratike”, ku kritikoheshin pseudoreformat që bëheshin, të cilat nuk ishin në dobi të fiancave dhe as të vetë shtetit. Gazeta sillte në vëmendje Vlorën, ku sipas saj, “Gjykati Pajtues, Prokuroria, Drejtori i Policisë, Kryesekretari i Prefekturës, u lanë jashtë kadros. Komisari i policisë u zbrit nga detyra, Drejtori i doganës e i Kripës u këmbue pa pyetur fare.. etj. Reforma Burokratike objektivisht ka dy pika: a, kursimi në interes të shtetit, b. Përmirësimi i zyrave me njerëz të zot...”

Gazeta doli gjithsej 35 numra, pra 35 javë. Gazeta u mbyll brenda vitit për shak të vështirësive financiare, shpërndarjes si dhe ndryshimeve politike në vend. Pas dështimit të “revolucionit” të Qershorit, drejtuesit e saj emigruan jashtë. Halim Xhelo vdiq para kohe jashtë atdheut, Seid Kemal u kthye, pas faljes së A.Zogut dhe vijoi aktivitetin e tij publicistik, duke bashkëpunuar me gazetat e kohës dhe më pas themeloi e drejoti dy gazeta të tjera: “Vlora e re” (1929) dhe “Jeta e re” (1937- 1939). “Politiko.al”

Të fundit