Mirëmëngjes!
Politiko.al mbështetur ju sjell një blic lajmesh nga vendi në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]
■ Imzot George Frendo reagon pas qëndrimit të Turqisë për “Shën Sofinë”. Sipas tij ky vendim nuk iu shërben aspak vlerave të bashkëjetesës.
■ ‘Kosova është viktimë, aty ka ndodhur gjenocid’, Hashim Thaçi niset në Hagë nga aeroporti i Rinasit. Ka një mesazh për ata që mendojnë se ka kryer krime lufte.
■ Afro 13 milionë të infektuar dhe rreth 600 mijë të vdekur me COVID-19 në gjithë botën. Situata shfaqet shqetësuese edhe në Shqipëri ku vetëm të dielën, u shënuan 4 viktima me COVID-19 dh 83 raste të reja.
■ Pas përplasjes së fortë me kryeministrin Rama, për të cilin tha se i frikësohet rotacionit politik; dhe madje ishte edhe më i tmerruar se Ramiz Alia, Basha mëngjesin e djeshëm ka publikuar në Twitter një shprehje për lirinë të ish-presidentit të SHBA-së Ronald Regan.
■ Pavarësisht dy goditjeve të njëpasnjëshme, me tërmetin dhe më pas pandeminë e COVID-19, ekonomia shqiptare vijon të jetë e qëndrushme në tregjet ndërkombëtare sipas Ministria e Financave dhe Ekonomisë.
■ E lidhur: Ish-deputetja demokrate Jorida Tabakue ka cilësuar si gënjeshtër lajmin e Ministrisë së Financave se Moody’s ruan të pandryshuar renditjen eekonomisë shqiptare në tregjet ndërkombëtare.
■ Shqipëria shënon ditën e dytë më të vështirë për shkak të situatës së krijuar nga pandemia, me 4 viktima. Në përditësimin e të dhënave, Ministria e Shëndetësisë bën me dije se kemi një ulje të të infektuarve nga dje: Viktimat janë tre gra dhe një burrë. Një 54-vjeçare nga Shkodra është ish-volejbolliste e Vllaznisë.
■ Nga sot nis puna për rihapjen e spitalit COVID-2, “Shefqet Ndroqi”.
■ Dy persona janë arrestuar, një është vënë në kërkim,si dhe janë sekuestruar 53 kg kanabis gjatë një operacioni të policisë së Vlorës të koduar “Tragjasi”.
■ “Në vendin e shenjtë të 3 Besëlidhjeve të mëdha”; Presidenti Ilir Meta ka kryer një vizitë në Poçem të Mallakastrës,ku përkujton qëndresën historike të heronjve të rënë për liri, gjatë rrethimit në korrik 1943.
■ Shqipëria në “listën e kuqe” të vendeve me rrezikshmëri të lartë. Një tjetër shtet ndryshon rregullat duke ndaluar hyrjen e shtetasve shqiptarë në territorin e tyre për shkak të shifrave të larta të COVID-19 në vendin tonë.
■ Kryeministri i Kosovës, Avdullah Hoti prezanton masat e reja pas përkeqësimittë shifrave të larta të infektimeve dhe viktimave. Por refuzon të shpallë gjendjen e jashtëzakonshme.
Financuar Nga Bashkimi Europian
